ತಲೆಕೆಟ್ಟ ಹಾಯ್ಕುಗಳು

ಕಳಬೇಡ ಕೊಲಬೇಡ

ಹುಸಿಯ ನುಡಿಯಲುಬೇಡ

ಮುನಿಯಬೇಡ

ಅನ್ಯರಿಗೆ

ಅಸಹ್ಯಪಡಬೇಡ.

Perhaps,

ಗಾಳಿ ಬಂದಾಗ ತೂರಿಕೋ.

-

ಝೆನ್ ಕಥೆಗಳೆಂದರೆ

ನನಗೆ ಪ್ರಾಣ..

ಹಾಗಾಗಿ ನಾನು

ಯಾವತ್ತೂ

ಅವುಗಳನ್ನು

ಪೂರ್ತಿ ಮುಗಿಸೋದೇ ಇಲ್ಲ!

Suppose,

ಅರ್ಥವಾಗಿ ಬಿಟ್ಟರೆ?

-

ಅಲ್ಲಿದೆ ನಮ್ಮನೆ

ಇಲ್ಲಿ ಬಂದೆ ಸುಮ್ಮನೆ

ಬಂದ ಮೇಲೆ ಅನಿಸಿತು

ಹಳೇಮನೆ ಚೆನ್ನಾಗಿತ್ತು.

ನಡೆದೂ ನಡೆದೂ

ಕಾಲು ಕೊಳೆತಿದೆ

ಕೈಯಿಂದ ಮುಂದೆ

ನಡೆಯಲಾಗದು

ಹಿಂದೆಯೂ ನಡೆಯಲಾಗದು

ಸುಮ್ಮನಿರಲಾಗದು..

-

ಭೂಮಿ ಸುಂದರವಾಗಿದೆ ಅಂದರು

ಗುಂಡಗಿದೆ ಅಂದರು

ಚಪ್ಪಟೆಯಾಗಿದೆ ಅಂದರು

ಅಲ್ಲಿ ನೀರಿದೆ

ಹಸಿರಾಗಿದೆ

ಬಿಸಿಯಾಗಿದೆ

ಮಾಲಿನ್ಯವಾಗಿದೆ

ಬಿರುಕುತ್ತಿದೆ ಸಿಡಿಯುತ್ತೆ ಅಂದರು.

ಒಂದಿನ, ಅವಳು

ನಾನೇ ಭೂಮಿ ಅಂದಳು.

ಅದೂ ನಿಜ.

---